Ein Tîm
AERON FITZGERALD
CYNORTHWYYDD CYLLID A GWEITHREDIADAU
-
Roedd ymuno â Chelfyddydau Cenedlaethol Ieuenctid Cymru fel Cynhyrchydd dan Hyfforddiant ym mis Chwefror 2021 yn ddechreuad grymusol ac yn agoriad llygad i'm gyrfa. Fel Cynorthwyydd Cyllid a Gweithrediadau, rwy'n ffodus fy mod yn gallu cyfrannu at CCIC yn cyflawni ar ei genhadaeth a'i werthoedd.
Ni ddigwyddodd erioed i mi fod gweithio o fewn Sector Celfyddydau Cymru yn bosibilrwydd, nes i mi gael fy ysbrydoli gan athro ffilm angerddol a brwdfrydig yn ystod fy Lefel A. Yn ymlaen ychydig o flynyddoedd ac roeddwn i'n gallu graddio gyda Gradd Anrhydedd mewn Ffilm o Brifysgol De Cymru.
Mae'n bleser cydweithio â'm cydweithwyr, ein gweithwyr llawrydd, a'n haelodau eithriadol yn y gorffennol a'r presennol.
Wedi'i geni a'i magu yng Nghaerdydd, rwy'n ystyried bod y ddinas yn ganolbwynt creadigol ond, rwyf bellach yn ddiolchgar i CCIC am ddangos imi'r dalent sydd gan actorion, dawnswyr a cherddorion ifanc ledled Cymru. Mae dysgu am fanteision parhaol CCIC ar eu bywydau yn gwneud i mi deimlo'n hyderus am dirwedd celfyddydau Cymru a'i weithlu yn y dyfodol.
BRUNA GARCIA
SWYDDOG CYFRANOGIAD A DYSGU
-
Cefais fy ngeni ym Mhortiwgal ond fe symudais i Gaerdydd gyda mam yn 4 oed. Rydw i wastad wedi bod â diddordeb mawr mewn cerddoriaeth ac yn ystod fy amser rhydd rwyf hefyd yn gweithio fel artist ategol.
Fe astudiais gyrsiau Safon Uwch yn y celfyddydau perfformio, Llenyddiaeth Saesneg a busnes, ble cefais gyfle i berfformio mewn nifer o wahanol sioeau a datblygu fy sgiliau ymhellach.
Fe gychwynnais fy ngyrfa gyda CCIC yn 2021 fel Cynhyrchydd dan Hyfforddiant gyda’r rhaglen Sgiliau Côr. Ers hynny, rwyf wedi cael cyfle i helpu i ddatblygu gwahanol raglenni a chwrdd â llawer o unigolion ifanc talentog.
Mae’n gyffrous bod CCIC yn gweithio i ddarparu’r cyfleoedd a’r adnoddau y mae pobl ifanc sydd â photensial mawr eu hangen i dyfu’n weithwyr creadigol sefydlog. Rwy’n gobeithio helpu i wneud CCIC hyd yn oed yn fwy amrywiol ac i fod yn llais ar gyfer pobl ifanc sydd heb gynrychiolaeth ddigonol yn sector y celfyddydau.
CLAIRE GRABHAM
PENNAETH CYLLID AC ADNODDAU
-
Cafodd Claire ei geni a'i magu yng Nghaerdydd ac mae hi wedi treulio'r rhan fwyaf o'i bywyd yn byw ac yn gweithio yn Ne Cymru.
Yn raddedig o Brifysgol Bradford, mae hi'n gyfrifydd siartredig sydd wedi gweithio mewn amrywiaeth o fusnesau cyn symud i CCIC yn 2023.
Yn newydd i'r Celfyddydau mewn gwaith, y tu allan i'r gwaith, mae'n mwynhau cyngherddau, sioeau cerdd, bale a chomedi. Mae hi'n edrych ymlaen at chwarae ei rhan i sicrhau dyfodol ariannol cryf i'r elusen.
EVAN DAWSON
PRIF WEITHREDWR
-
Mae Evan, sy’n Gymro Cymraeg a aned yng Nghaerdydd, wedi gweithio fel Prif Swyddog Gweithredol Live Music Now ac, yn fwy diweddar, fel Prif Swyddog Gweithredol y Gymdeithas Ffotograffig Frenhinol – lle y datblygodd strategaeth a hunaniaeth gynhwysol newydd, ei rhaglen ieuenctid gyntaf a chyfres o brosiectau celfyddydau gweledol a llesiant.
Yn sacsoffonydd a phianydd, roedd ei hyfforddiant cerddorol ef ei hun yn cynnwys grwpiau cerddoriaeth sirol De Morgannwg, cyn ymuno â’r Gerddorfa Jazz Genedlaethol Ieuenctid a threuliodd flwyddyn yn astudio jazz a cherddoriaeth stiwdio yng Ngholeg Cerdd a Drama y Guildhall. Ers hynny mae wedi arwain ei fand mawr 50 offeryn ei hun, mae wedi gwirfoddoli fel arweinydd cerddoriaeth ar brosiect ystâd dai ac wedi cyfansoddi cerddoriaeth ar gyfer y teledu a pherfformiadau byw.
HOPE DOWSETT
CYNHYRCHYDD CYFRANOGIAD A DYSGU
-
Dwi’n weithiwr proffesiynol yn y celfyddydau ac wedi ngeni a magu yn Sir Benfro.
Dros yr 8 mlynedd diwethaf rydw i wedi gweithio mewn nifer o wahanol rolau gweinyddol, logisteg a chreadigol yn y Sector Celfyddydau gyda sefydliadau’n cynnwys Shakespeare Schools Foundation, Theatr Byd Bychan a Hijinx. Yn ogystal, fe wnes i gwblhau cwrs Gradd Meistr Rheoli’r Celfyddydau yng Ngholeg Brenhinol Cerdd a Drama Cymru yn 2019.
Yn ystod fy ngyrfa hyd yma rydw i wedi bod yn ddigon ffodus i weithio ar draws wahanol gelfyddydau, ac rydw i wastad eisiau cefnogi gwaith sy’n cael gwir effaith ar fywydau pobl – yn enwedig pobl o gefndiroedd heb gynrychiolaeth ddigonol. Gan ystyried hyn, rwyf wrth fy modd i fod yn gweithio fel Cynhyrchydd Prosiectau Cerdd gyda CCIC. Mae ein prosiectau’n wirioneddol gynhwysol ac yn cynnig cyfleoedd gwerthfawr i bobl ifanc gymryd rhan yn ein gwaith, a hynny’n aml am y tro cyntaf. Rydw i wedi mwynhau canu a pherfformio o oedran ifanc iawn, ac mae bellach yn fraint rhedeg prosiectau fydd yn cynnig gofodau a chyfleoedd creadigol cwbl angenrheidiol i bobl ifanc heddiw.
Os hoffech ddysgu mwy am ein prosiectau cerdd neu os hoffech gefnogi ein gwaith mewn unrhyw fodd, mae croeso mawr ichi gysylltu am sgwrs – fe fydda’ i’n hapus iawn i glywed gennych!
JAMIE JENKINS
CYNHYRCHYDD & PENNAETH DAWNS
-
Mae’n fraint ac yn bleser gallu gweithio gyda dawnswyr ifanc talentog o bob cwr o Gymru.
Dechreuodd ei hyfforddiant dawnsio proffesiynol yng Ngholeg Stella Mann cyn datblygu ei dechneg dawns gyfoes yn Ysgol Dawns Gyfoes Llundain. Yn ddiweddarach enillodd gymhwyster TAR ym Mhrifysgol Aberystwyth. Tra roedd yn dal i hyfforddi, dechreuodd Jamie ar ei yrfa berfformio broffesiynol, gan fynd ymlaen i berfformio gyda chwmnïau proffesiynol a theithio o amgylch y DU ac yn rhyngwladol.
Mae ganddo nifer o berfformiadau proffesiynol o dan ei felt, yn y byd teledu, ym myd y theatr gerddorol, ac ym myd dawns gyfoes. Parhaodd Jamie i ddatblygu ei yrfa yn y byd dawnsio fel Ymarferydd Dawnsio a Rheolwr Prosiect yn y maes dysgu a chyfranogi ac addysg dawns. Jamie yw Cynhyrchydd Dawns Celfyddydau Cenedlaethol Ieuenctid Cymru (CCIC). Yn y swydd hon, mae’n dylunio ac yn rheoli rhaglenni ar gyfer artistiaid talentog o bob cwr o’r wlad er mwyn datblygu eu techneg a’u sgiliau perfformio gan weithio gyda rhai o’r coreograffwyr y mae galw mawr amdanynt, gan gynnwys Kerry Nicholas, Theo Clinkyard, Caroline Finn, Lea Anderson MBE a Sir Wayne MacGregor.
Mae Jamie yn gallu rhannu ei angerdd tuag at ddawnsio tra’n gweithio fel eiriolwr awdurdodol dros weithgareddau dawns sy’n hygyrch i bob rhan o’r gymuned. Yn ogystal â’i swydd gyda CCIC, mae Jamie yn arweinydd cwricwlwm ar gyfer y diwydiannau creadigol yng Ngholeg Cambria yn y Gogledd, gan arwain y gwaith o reoli’r cwricwlwm. At hynny, mae hefyd yn Hwylusydd Dawns i Gyngor Celfyddydau Cymru, yn aelod o fwrdd Rhwydwaith Addysg Cenedlaethol Cymru, ac yn gynghorydd dawns i amrywiol sefydliadau uchel eu parch, gan gynnwys yr Eisteddfod Genedlaethol.
MATTHEW JONES
UWCH GYNHYRCHYDD & DIRPRWY PRIF WEITHREDWR
-
Rwyf wedi gweithio i Gelfyddydau Cenedlaethol Ieuenctid Cymru ers bron i dair blynedd ar ddeg ac, fel cyn-aelod o Gôr Cenedlaethol Ieuenctid Cymru, rwy’n frwd dros sicrhau bod y genhedlaeth nesaf o artistiaid ifanc yn derbyn fersiwn 21ain Ganrif o’r profiadau anhygoel fuodd o fudd i imi.
Fel Cynhyrchydd Arweiniol yr ensembles cerddorol, rwy’n edrych ymlaen yn benodol at ddatblygu profiadau fydd yn herio, cyffroi ac ysbrydoli, boed hynny’n gweithio gyda cherddorion o’r radd flaenaf ac arbenigwyr yn eu maes, perfformio mewn gwyliau neu ar lwyfannau nodedig neu raglennu amrywiaeth eang o repertoire. Rwy’n canolbwyntio’n bennaf ar ehangu ein cyrhaeddiad er mwyn sicrhau y gallwn weithio gyda pherfformwyr ifanc talentog o bob cwr o Gymru a darparu cyfleoedd i sicrhau y gall pob un, o bob gwahanol gefndir, gael mynediad haeddiannol i’r hyfforddiant penigamp yr ydym yn ei gynnig.
Derbyniais radd Rheoli Cerddoriaeth a’r Celfyddydau o Goleg Brenhinol Cerdd a Drama Cymru, cefais fy magu ym Mro Morgannwg ac rwy’n byw yn Abertawe ar hyn o bryd.
MASON EDWARDS
CYNHYRCHYDD CYNORTHWYOL
-
Gyda gwreiddiau yng nghymunedau lleol Caerdydd fel Butetown a Grangetown, roedd yn uchelgais gennyf i helpu i hwyluso twf artistiaid ifanc ar lefel leol a chenedlaethol.
O oedran ifanc rwyf wedi bod yn ymwneud â rhyw fath o gelfyddydau perfformio. Naillai'n dawnsio fel plentyn neu’n darganfod fy nghariad at theatr yn fy arddegau, rwyf bob amser wedi deall bod y celfyddydau’n gweithio fel ffurf allweddol o fynegiant i bobl ifanc.
Ar ôl cwblhau cymwysterau mewn drama a chelfyddydau perfformio ar lefel TGAU a Lefel A, es ymlaen i gwblhau BA mewn Drama a Pherfformio ym Mhrifysgol London Southbank , gyda Covid-19 yn difetha fy dwy flynedd ddiwethaf.
Yn y brifysgol yr agorwyd fy llygaid i’r effeithiau cymdeithasol a gwleidyddol a gafodd celf a pherfformio ar gymdeithas, ac yna pa mor goll oeddem hebddo. Trwy fy ymchwil academaidd o ddamcaniaeth feirniadol, dechreuais ddeall mwy am fy mhrofiadau personol fy hun fel dyn ifanc hil gymysg a sut maent wedi llywio fy ffordd o feddwl dros y blynyddoedd.
Rwy’n teimlo’n hynod o ffodus i fod yn aelod o dîm CCIC, ac i weithio’n broffesiynol o fewn y sector celfyddydau yng Nghymru; rhywbeth nad oedd yn ymddangos yn bosibl ar un adeg.
MEGAN CHILDS
CYNHYRCHYDD & PENNAETH THEATR
-
Rwy’n hanu o Sir Benfro’n wreiddiol ond wedi ymgartrefu yng Nghaerdydd ers 20 mlynedd ac mae gennyf wreiddiau hefyd yng Ngogledd Ddwyrain Lloegr, ble astudiais Lenyddiaeth Saesneg ym Mhrifysgol Newcastle Upon Tyne.
Yn ystod y cyfnod hwnnw, cychwynnais ar fy ngyrfa ym myd cerddoriaeth fel feiolinydd a mynd ymlaen i dreulio’r ddegawd nesaf yn recordio a theithio gyda’r band pop Gorkys Zygotic Mynci. Ddau blentyn yn ddiweddarach, ailgydiais mewn addysg bellach ac ennill gradd meistr Rheoli’r Celfyddydau o GBCDC a throi fy hoffter o’r theatr yn yrfa gan weithio fel rheolwraig marchnata ac yna fel cynhyrchydd gyda Theatr Iolo.
Wedi ymuno â theulu CCIC ar ddechrau 2019, rwy’n hynod o falch a chyffrous i fod yn gweithio gyda rhai o weithwyr proffesiynol a chanolfannau theatr blaenaf Cymru i ffurfio cyfnod nesaf Theatr Cenedlaethol Ieuenctid Cymru. Yma yn CCIC, rydym wedi ymrwymo i feithrin doniau a datblygu sgiliau’r genhedlaeth nesaf o actorion, gwneuthurwyr theatr, ysgrifenwyr a gweithwyr cefn llwyfan creadigol Cymru trwy uchelgais ac ansawdd y cyfleoedd hyfforddiant a pherfformio y gallwn eu cynnig i bobl ifanc o bob cefndir.
Rwy’n awyddus i deithio ledled Cymru i gwrdd â chymaint â phosibl o bobl sy’n rhannu ein brwdfrydedd am theatr yng Nghymru, felly os ydych chi’n weithiwr creadigol, yn ganolfan, theatr ieuenctid, grŵp cymunedol neu goleg, yn ysgol, cyn-aelod neu jest awydd sgwrs gyffredinol am ThCIC, mae croeso ichi anfon nodyn ataf a byddaf wrth fy modd yn cychwyn sgwrs, yn Gymraeg neu Saesneg!
TOM KEMP
SWYDDOG CYFARTHREBIADAU DIGIDOL
-
Trwy gydol fy mywyd, rwyf wedi cael amrywiaeth o gyfleoedd artistig anhygoel ac rydw i mor gyffrous i fod yn gweithio gyda CCIC i ddod â'r un cyfleoedd hyn i'r genhedlaeth nesaf o dalent Cymru.
Wedi fy ngeni a'm magu ym Mhontypridd, syrthiais mewn cariad â'r celfyddydau yn ifanc. Treuliwyd blynyddoedd fy mhlentyndod yn cynhyrchu, cyfarwyddo, coreograffio ac yn serenu yn fy sioeau un-dyn fy hun yng ngardd fy nain a tad-cu. Gyda chefnogaeth ac anogaeth barhaus gan fy nheulu, dechreuais weithio fel perfformiwr dwyieithog proffesiynol yn ystod fy arddegau, gyda chredydau yn rhychwantu dramâu teledu Prydeinig ac Americanaidd, comedïau, hysbysebion a theithio’r DU yn sioeau cerdd llwyfan. Mae'n dal i fod yn freuddwyd i mi berfformio mewn sioe un-dyn, ond mewn lleoliad ychydig yn fwy na gardd fy nain a thad-cu!
Er i mi raddio gyda gradd Daearyddiaeth o Brifysgol Abertawe, nid yw'r celfyddydau, y cyfryngau neu’r diwydiannau creadigol erioed wedi gadael fy ochr. Yn fwy diweddar, rydw i wedi gweithio fel cyflwynydd teledu a radio, artist troslais a cholofnydd.
Rwy'n falch iawn o fod yn gweithio gyda CCIC i sicrhau bod y genhedlaeth nesaf o bobl ifanc greadigol a thalentau, nid yn unig yn clywed amdanom ni, ond yn gallu buddio’n bersonol ac yn broffesiynol o'r un lefel uchel o hyfforddiant proffesiynol, ym mhob disgyblaeth greadigol, ag yr oeddwn yn ffodus i'w derbyn.
CHARLOTTE MOULT
RHEOLWR MARCHNATA
-
Fel gweithiwr proffesiynol celfyddydol a marchnata brwdfrydig, roeddwn yn gyffrous i ymuno â thîm CCIC fel Rheolwr Marchnata, yn cael fy sbarduno gan fy angerdd dros helpu pobl ifanc i ffynnu yn eu gweithgareddau creadigol.
Dechreuodd fy nhaith yn y celfyddydau yn 2012, ar ôl ennill fy ngradd Newyddiaduraeth, pan ddechreuais weithio’n llawrydd mewn cysylltiadau cyhoeddus cerddoriaeth, archebion byw a rheoli cerddoriaeth. Rwyf bob amser wedi cael y mwyaf o foddhad wrth gefnogi twf cerddorion ac artistiaid newydd, gan greu cyfleoedd iddynt arddangos eu doniau yn y DU ac yn rhyngwladol.
Ers 2018, rwyf wedi ehangu fy mhrofiad mewn marchnata a rheoli digwyddiadau yn y sectorau chwaraeon ac addysg. Mae gen i angerdd gwirioneddol dros drefnu digwyddiadau, llunio strategaethau marchnata a chyfathrebu, a gweithio ochr yn ochr â rhanddeiliaid i gynllunio a rhedeg ymgyrchoedd llwyddiannus.
Rwy'n gyffrous i helpu i hyrwyddo'r gwaith a'r cyfleoedd anhygoel mae CCIC yn eu cynnig i bobl ifanc greadigol yng Nghymru.
MEGAN JONES
CYNHYRCHYDD DAN HYFFORDDIANT
-
Fel cyn-aelod o Gôr Cenedlaethol Ieuenctid Cymru, rwyf wrth fy modd o gael parhau â'm taith gyda'r sefydliad fel Cynhyrchydd dan Hyfforddiant ar gyfer Theatr Cenedlaethol Ieuenctid Cymru.
Cefais fy ngeni yng Nghaerffili a threuliais lawer o'm hamser yn perfformio mewn sioeau ysgol ac yn cymryd rhan mewn grwpiau theatr ieuenctid. Doeddwn i erioed wedi ystyried cerddoriaeth fel gyrfa o ddifrif nes i mi fynychu fy nghwrs Côr Cenedlaethol Ieuenctid Cymru cyntaf yn 2016. Yno, darganfyddais gymuned anhygoel o bobl o'r un anian oedd yn caru cerddoriaeth. Daeth cwrs preswyl y côr yn uchafbwynt fy haf bob blwyddyn yn gyflym wrth i mi edrych ymlaen at weithio ar repertoire anhygoel gyda ffrindiau gydol oes a thiwtoriaid ysbrydoledig. Yn y pen draw, rhoddodd yr hyder i mi astudio cerddoriaeth yn y brifysgol. Er i mi adael CCIC yn 2023, bydd yr atgofion a'r profiadau yn aros gyda mi, ac rwy'n gyffrous i greu rhai newydd i'n pobl ifanc!Graddiais o Goleg Brenhinol Cerdd a Drama Cymru yn 2024 gyda Baglor mewn Cerddoriaeth (Anrh) mewn Llais. Er i'r cwrs ddyfnhau fy angerdd am berfformio, fe wnaeth hefyd fy nghyflwyno i feysydd eraill o ddiddordeb yn y celfyddydau, fel hygyrchedd. Yn 2024, gwirfoddolais gyda Phrosiect Assemble CCIC i gefnogi fy Mhrosiect Galwedigaethol, a oedd yn archwilio hygyrchedd wrth berfformio, creu a mynychu theatr.
Rwy'n teimlo'n hynod ddiolchgar i fod yn rhan o sefydliad sy'n golygu cymaint i mi. Rwy'n gwybod pa mor bwysig oedd CCIC i'm datblygiad cerddorol a phersonol, ac rwy'n gobeithio defnyddio fy mhrofiadau i helpu i ddarparu cyfleoedd anhygoel sy'n newid bywydau i bobl ifanc yn y celfyddydau.
AELODAU BWRDD
David Jackson (Cadeirydd)
Peter Curran
Anthony Matsena
Nia Medi
Richard Newton
Karen Pimbley
Sian Ropaigéalach Isaac Lewis Rhys Watkins Mared Browning